បុរសម្នាក់ត្រូវនគរបាលឃាត់ខ្លួនពាក់ព័ន្ធករណីរំលោភអនីតិជន នៅស្រុកសំរោងទង
02-April-2018 | ដោយ ពលមនសិការ
កំពង់ស្ពឺ ៖ មុខសញ្ញាជនសង្ស័យរំលោភអនីតិជនម្នាក់ត្រូវបាន នគរបាលឃាត់ខ្លួន ខណៈជនរងគ្រោះមកប្ដឹង សមត្ថកិច្ចក្រោយសកម្មភាពមួយថៃ្ងបន្ទាប់ នៅនគរបាលស្រុកសំរោងទង នៅថ្ងៃអាទិត្យ ១រោជ ខែចេត្រ ឆ្នាំចរ ព.ស ២៥៦២ ត្រូវនឹងថ្ងៃទី១ ខែមេសា ឆ្នាំ២០១៨ វេលាម៉ោង ៩ និង១០នាទី។
កម្លាំងព្រហ្មទណ្ឌស្រុក សហកាជាមួយកម្លាំងប៉ុស្ដិ៍ត្រពាំងគង ឃាត់ខ្លួនសង្ស័យឈ្មោះ ស៊ុន វិន ភេទប្រុស អាយុ ២០ឆ្នាំ រស់នៅភូមិសុបិន្ត ឃុំត្រពាំងគង ស្រុកសំរោងទង ពាក់ព័ន្ធករណីរំលោភសេពសន្ថវៈទៅលើក្មេងស្រីអនីតិជនឈ្មោះ ស.ផ ភេទស្រី អាយុ ១២ឆ្នាំ រស់នៅក្នុងមណ្ឌលក្ដីសង្ឃឹមថ្មីនៃកុមារកម្ពុជាភូមិយើង ស្ថិតនៅភូមិសុបិន្ត ឃុំត្រពាំងគង ស្រុកសំរោងទង។
ជនសង្ស័យបានធ្វើសកម្មភាពចាប់រំលោភនៅចំណុចព្រៃក្នុងមណ្ឌលខាងលើ នៅវេលាម៉ោងប្រមាណ ៦ល្ងាច នាថ្ងៃទី ៣១ ខែមីនា ឆ្នាំ២០១៨ ក្រោយទទួលពាក្យបណ្ដឹងពីជនរងគ្រោះសមត្ថកិច្ចធ្វើ ការ ស្រាវជ្រាវនិងឈានទៅឃាត់ខ្លួនមុខសញ្ញាជនសង្ស័យរួចធ្វើការសាកសួរ ជនសង្ស័យបានឆ្លើយសារភាពថា ខ្លួនពិតជាបានធ្វើសកម្មភាពចាប់រំលោភក្មេងស្រីជនរងគ្រោះ ប្រាកដមែន។
បច្ចុប្បន្នជំនាញស្រុក បានបញ្ជូនមុខសញ្ញាសង្ស័យ មកកាន់ការិយាល័យជំនាញខេត្ត ដើម្បីកសាងសំណុំរឿងចាត់ការតាមនីតិវិធីបន្ដ៕
ចំនួនអ្នកទស្សនា
- ថ្ងៃនេះ4131
- ម្សិលមិញ10851
- សប្តាហ៍នេះ70651
- ខែនេះ185801
- ឆ្នាំនេះ185801
- សរុប20628257